ကိုဗစ်ကာလမှာ မသွားသင့်သော အန္တရာယ်အရှိဆုံး နေရာ (၃) ခု

ကိုဗစ်ဗိုင်းရပ်စ်ကူးစက်မှု အရှိန်အဟုန်ဟာ နေ့စဉ်မြင့်မားလျက်ရှိနေသေးတဲ့အတွက် social distancing နည်းစဉ်များကို ဆက်လက်လိုက်နာဖို့ လိုအပ်နေပါသေးတယ်။ မကြာမီမှာ စီးပွားရေးလုပ်ငန်းတွေ ပြန်လည်လည်ပတ်တော့မှာဖြစ်တဲ့အတွက် ကိုဗစ်ကူးစက်ဖို့ အလားအလာများတဲ့နေရာတွေကို အတတ်နိုင်ဆုံး ရှောင်ကြဉ်ဖို့ အရေးကြီးပါတယ်။

ဒီနေရာတွေကတော့ စားသောက်ဆိုင်များ၊ ဘားများနှင့် Gym တွေပဲ ဖြစ်ပါတယ်။
●  လေ့လာချက်များအရ စားသောက်ဆိုင်နှင့်ဘားတွေဟာ အလုံပိတ်အခန်းများဖြစ်တဲ့အလျောက် လေကောင်းလေသန့် ကောင်းကောင်းမရရှိနိုင်ပါဘူး။ စားပွဲထိုးနှင့် ဆိုင်ဝန်ထမ်းများ၊ အခြားသောစားသုံးသူများနှင့် နီးကပ်စွာ ပြောဆိုဆက်ဆံရခြင်းကြောင့်လည်း ကူးစက်နိုင်တဲ့ အလားအလာများပါတယ်။
●  တကယ်လို့ သင်ဟာ ကူးစက်နှုန်းမြင့်မားတဲ့မြို့မှာ နေထိုင်သူဖြစ်ရင်တော့ စားသောက်ဆိုင်နှင့် ဘားတွေထိုင်တာကို အတတ်နိုင်ဆုံး ရှောင်ရှားပါ။
●  ကျန်းမာရေးလိုက်စားသူတွေအနေနှင့်လည်း လေဝင်လေထွက်မရှိသော အလုံပိတ်ခန်း Gym မျိုးကို ရှောင်သင့်ပါတယ်။ ထို့ပြင် Gym က စက်တွေ၊ အလေးတုံးတွေကနေတစ်ဆင့်လည်း ကူးစက်နိုင်တာမို့ ကောင်းစွာသတိထားသင့်ပါတယ်။
●  ကိုဗစ်ကူးစက်ခြင်းကို ကာကွယ်ဖို့အတွက် အပြင်သွားတိုင်း mask ကို အမြဲတပ်ဆင်ပါ။ အခြားသူများနှင့် တွေ့ဆုံရမယ်ဆိုရင်လည်း လေဝင်လေထွက်ကောင်းသော နေရာကိုရွေးချယ်ပြီး mask ကို အချိန်ပြည့်တပ်ထားဖို့ လိုပါတယ်။
●  ဖြစ်နိုင်လျှင် သူငယ်ချင်းများ ဓာတ်ပုံဝိုင်းဖွဲ့ရိုက်ရင်တောင် mask တပ်ထားသင့်ပါတယ်။
●  လက်ကိုလည်း မကြာခဏဆေးကြောပေးပါ။
●  အကောင်းဆုံးကတော့ တတ်နိုင်သမျှ အိမ်မှာပဲနေပြီး လူစုလူဝေး ရှောင်ကြဉ်ခြင်းဖြင့် သင်နှင့်သင့်မိသားစုကို ကိုဗစ်မကူးစက်စေဖို့ ကာကွယ်သင့်ပါတယ်။

လေပြေနုသွေး (ဆေး-၂) (www.drmyanmar.com)