ခေါင်းကိုက်ပြီး ဖျားတဲ့အခါ သတိထားစရာအချက်များ
ခေါင်းကိုက်တာနဲ့ ဖျားတာက ရောဂါအများကြီးရဲ့လက္ခဏာ ဖြစ်တတ်ပါတယ်။ တစ်ခါတလေမှာ နှစ်ခုလုံးတစ်ပြိုင်တည်း ဖြစ်တာက အရေးကြီးနိုင်တာမို့ ဆရာဝန်နဲ့ ပြသသင့်ပါတယ်။
အခုဖြစ်ပွားနေတဲ့ ကပ်ရောဂါရဲ့ လက္ခဏာတစ်ခုလည်း ဖြစ်သလို တခြားရောဂါတွေဖြစ်တဲ့ -
1. ဦးနှောက်အမြှေးရောင်ရောဂါ
ဦးနှောက်ကို ဖုံးအုပ်ထားတဲ့ အမြှေးပါးဟာ ဗိုင်းရပ်စ် ဒါမှမဟုတ် ဘက်တီးရီးယားပိုးကြောင့် ရောင်ရမ်းတာဖြစ်ပြီး သူ့ရဲ့လက္ခဏာတွေကတော့ -
● ဖျားတာ၊ ခေါင်းကိုက်တာ
● လည်ပင်းနာတာ၊ လည်ပင်းတောင့်တာ
● အလင်းကို မကြည့်နိုင်တာ
● ခေါင်းမူးတာ
● ပျို့အန်တာ
● သတိမကောင်းတာတွေ ဖြစ်ပါတယ်။
2. တုပ်ကွေး
ရာသီတုပ်ကွေးတွေမှာလည်း -
● ဖျားတာ
● ခေါင်းကိုက်တာ
● ချောင်းဆိုးတာ
● လည်ပင်းနာတာ
● ကြွက်သားတွေ နာကျင်ကိုက်ခဲတာ
● နှာရည်ယိုတာ
● မျက်စိနီတာ၊ ယားတာ
● အလင်းကို မကြည့်နိုင်တာ
● မောတာ စတာတို့ ဖြစ်ပါတယ်။
Alaxan IA (1)
3. ဦးခေါင်းမှာရှိတဲ့ လေအိတ်လေးတွေ ပိုးဝင်တာ
လေအိတ်လေးတွေ ရောင်ရမ်းတဲ့အခါ -
● ခေါင်းကိုက်တာ
● ဖျားတာ
● မျက်နှာကြွက်သားတွေ နာတာ
● နှာခေါင်းပိတ်တာ၊ နှာရည်ယိုတာ
● အနံ့အသက် မကောင်းတာ
● သွားကိုက်တာ
● ချောင်းဆိုးတာတို့ ဖြစ်ပါတယ်။
4. နားပိုးဝင်တာ
နားပိုးဝင်တာက ၆ လကနေ ၂၄ လအတွင်း ကလေးတွေမှာ အဖြစ်များပါတယ်။ သူ့ရဲ့လက္ခဏာတွေက -
● ဖျားတာ
● ခေါင်းကိုက်တာ
● အိပ်ရေးပျက်တာ
● အစားကောင်းကောင်း မစားတာ
● ဂျီကျတာ
● အန်တာ
● ဝမ်းလျှောတာတို့ ဖြစ်ပါတယ်။
5. အပူရှပ်တာ
အပူထဲနေတာ များပြီး ကိုယ်အပူချိန် 104°F လောက်ဖြစ်ပြီး ဖျားတာ၊ ခေါင်းကိုက်တာအပြင် တက်တာ၊ သတိမကောင်းတာ၊ အန်တာ၊ ကြွက်တက်တာတွေပါ ဖြစ်နိုင်ပါတယ်။
Alaxan IA (2)
6. ကာကွယ်ဆေးထိုးတာ
ကာကွယ်ဆေးထိုးပြီး ဘေးထွက်ဆိုးကျိုးတွေအနေနဲ့လည်း -
● ခေါင်းကိုက်တာ
● ဖျားတာ
● ချမ်းတာ
● နုံးချိနေတာ
● ထိုးထားတဲ့နေရာမှာ နာ၊နီ၊ ရောင်တာ
● ကြွက်သားတွေ၊ အရိုးအဆစ်တွေ ကိုက်ခဲနာကျင်တာတို့ ဖြစ်ပါတယ်။
7. တချို့ဆေးတွေ
တချို့ဆေးတွေ စပြီးသောက်တဲ့အခါမှာ တုပ်ကွေးလက္ခဏာတွေ ခံစားရတတ်ပါတယ်။ အထူးသဖြင့် ကင်ဆာဆေးတွေ၊ တီဘီဆေးတွေပါ။ ရက်အနည်းငယ်လောက် ကြာနိုင်ပြီး လက္ခဏာတွေက -
● ဖျားတာ
● ခေါင်းကိုက်တာ
● ကြွက်သားတွေ ကိုက်ခဲတာ
● ချောင်းဆိုးတာ
● လည်ချောင်းနာတာ
● နှာရည်ယိုတာ
● ပျို့အန်တာ
● ဝမ်းသွားတာတို့ ဖြစ်ပါတယ်။
Dr. Htar (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...