အအေးမိတုပ်ကွေးအဖြစ်များတဲ့ အခုလိုကာလမှာ ရင်သွေးငယ်လေးများကို ဘယ်လိုဂရုစိုက်သင့်လဲ
အသက် ၁ နှစ်အောက် ကလေးငယ်ရှိတဲ့ မေမေတွေအနေနှင့် အခုလိုတုပ်ကွေးရာသီမှာ ကလေးတွေ ကျန်းမာအောင် အလေးထားပြီး ပြုစုစောင့်ရှောက်ဖို့ လိုအပ်ပါတယ်။ ဒီအရွယ်ကလေးငယ်လေးတွေမှာ တုပ်ကွေးကြောင့်ဖြစ်သော နောက်ဆက်တွဲဆိုးကျိုးတွေဟာ အလွန်ကြောက်စရာကောင်းပါတယ်။
>> တုပ်ကွေးက ဘာလို့ကြောက်စရာကောင်းတာလဲ?
● လသားကလေးငယ်တွေအနေနှင့် ကိုယ်ခံအားစနစ်ကောင်းစွာ မဖွံ့ဖြိုးသေးတဲ့အတွက် ကိုယ်ခန္ဓာကနေ ဗိုင်းရပ်စ်နှင့် ဘက်တီးရီးယားတွေကို ကောင်းစွာတိုက်ထုတ်နိုင်စွမ်း မရှိသေးပါဘူး။
● အထူးသဖြင့် တုပ်ကွေးကာကွယ်ဆေး မထိုးရသေးတဲ့ ၆ လအောက် ကလေးငယ်တွေမှာ ပိုပြီးသတိထားဖို့ လိုပါတယ်။
Biogesic for kids IA 1
>> တုပ်ကွေးရာသီမှာ ကလေးငယ်ကို ဘယ်လိုဂရုစိုက်မလဲ?
● လသားကလေးငယ်လေးတွေကို မကိုင်ခင်မှာ လက်ကို ဆပ်ပြာနှင့်ရေဖြင့် စက္ကန့် ၂၀ ကြာအောင် ဆေးကြောပါ။ ရေဆေးဖို့ မလွယ်တဲ့အခြေအနေမှာ အယ်ကိုဟော အနည်းဆုံး ၆၀ ရာနှုန်းပါသော လက်သန့်ဆေး အသုံးပြုနိုင်ပါတယ်။
● မိသားစုဝင် မဟုတ်သူတွေကိုလည်း မိမိကလေးကို မကိုင်ခင်မှာ လက်ဆေးဖို့ တောင်းဆိုသင့်ပါတယ်။
● မိသားစုဝင်ဖြစ်စေကာမူ ဖျားနာခြင်း၊ ချောင်းဆိုးခြင်း၊ နှာရည်ယိုခြင်းစသော တုပ်ကွေးလက္ခဏာတွေရှိနေပါက ကလေးကို နမ်းခြင်း၊ ချီခြင်း၊ ထိတွေ့ခြင်း မပြုလုပ်သင့်ပါဘူး။
● မိဘများအနေနှင့်လည်း ကလေးကို နမ်းလိုပါက မျက်နှာနှင့်နှုတ်ခမ်းကိုနမ်းတာထက်စာရင် ဦးခေါင်းအနောက်လေးကိုနမ်းခြင်းက ပိုပြီးစိတ်ချရပါတယ်။
Biogesic for kids IA 2
>> တုပ်ကွေးရာသီမှာ အိမ်ပြင်ထွက်တဲ့အခါ -
● လသားကလေးငယ်များကို မဖြစ်မနေ အခြေအနေမျိုးမှသာ အိမ်ပြင်ခေါ်သွားသင့်ပါတယ်။ အပြင်ခေါ်တဲ့အခါမှာလည်း နွေးထွေးစွာဝတ်ဆင်ပေးခြင်း၊ သူစိမ်းများနှင့် မထိတွေ့စေခြင်း၊ အချိန်ကြာကြာမနေခြင်းတို့ဖြင့် တုပ်ကွေးရန်က ကာကွယ်သင့်ပါတယ်။
>> အန္တရာယ်ရှိသော လက္ခဏာများ
● လူကြီးတွေအနေနှင့် ဖျားခြင်း၊ ကိုယ်လက်နာခြင်း၊ ဝမ်းပျက်ခြင်း၊ ချောင်းဆိုးခြင်း၊ နှာချေခြင်း၊ လည်ချောင်းနာခြင်း စသော လက္ခဏာတွေရှိနေပြီဆိုရင်တော့ ကလေးနား မကပ်ဖို့ သတိပြုသင့်ပါတယ်။ အိမ်တွင် နေမကောင်းသူတစ်ဦးဦး ရှိနေပါကလည်း ကလေးနားကို မကပ်ဖို့ တားမြစ်ကြဖို့ အကြံပြုလိုပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...