ဘေဘီလေးတွေ ချောင်းဆိုးနေလို့ စိတ်ပူနေလား

ကလေးတွေမှာ အဖြစ်များတဲ့ ချောင်းဆိုးရတဲ့ အကြောင်းအရင်းတွေက -

၁။  အအေးမိတာ၊ အသက်ရှူလမ်းကြောင်း ပိုးဝင်တာ
ကလေးငယ်လေးတွေမှာ တစ်နှစ်ကို ၆ ကြိမ် - ၁၂ ကြိမ်အတွင်း ဖြစ်တတ်ပါတယ်။ သလိပ်ထွက်၊ ရင်ခေါင်းသံနဲ့ ချောင်းဆိုးရင် အဆုတ်ပိုးဝင်တာဖြစ်ဖို့များပြီး ၂ ပတ်လောက် ကြာနိုင်ပါတယ်။
၆ လအောက် ကလေးတွေမှာတော့ လေပြွန်လေးတွေရောင်တာ အဖြစ်များပါတယ်။

၂။  ပန်းနာရင်ကြပ်
ချောင်းခြောက်ဖြစ်ပြီး ညဘက်တွေမှာ ဆိုးတာများပါတယ်။ မနက်အစောကြီးတွေ၊ အားကစားလုပ်တဲ့အခါတွေမှာလည်း ဆိုးတတ်ပါတယ်။
တရွှီရွှီမြည်တာ၊ ဓာတ်မတည့်တာတွေနဲ့ လာတတ်ပြီး မိသားစုထဲမှာလည်း ပန်းနာရင်ကြပ်ဖြစ်တဲ့လူ ရှိတတ်ပါတယ်။

၃။  လေပြွန်တွေ ကျယ်လာတာ
သလိပ်ထွက်ချောင်းဆိုးတာ ၄ ပတ်ထက် ကြာလာပြီဆိုရင် ဆရာဝန် ပြသင့်ပါတယ်။ လေပြွန်တွေ ကျယ်တာက ကြာလေ အဆုတ်ကို ထိခိုက်မှုများလေ ဖြစ်တတ်ပါတယ်။