ရာသီလာခါနီးနှင့် ရာသီလာနေစဉ်တွင် အလွန်အမင်း ကိုက်ခဲနာကျင်ခြင်း

ရာသီလာစဉ် ကိုက်ခဲနာကျင်ခြင်းကို Primary dysmenorrhoea နဲ့ Secondary dysmenorrhoea ဆိုပြီး နှစ်မျိုးခွဲထားပါတယ်။

>>  Primary dysmanorrhoea
ကိုက်ခဲနာကျင်ခြင်းကိုဖြစ်စေတဲ့ ဘာနောက်ခံအကြောင်းရင်းမှမရှိရင် primary dysmenorrhoea လို့ခေါ်ပါတယ်။ ရာသီလာခါနီးမှာ နာလေ့ရှိပြီး ရာသီသွေးစဆင်းပြီး (၈) နာရီကနေ (၇၂) နာရီအကြာမှာတော့ သက်သာသွားတတ်ပါတယ်။

>>  Secondary dyamenorrhoea
မျိုးပွားအင်္ဂါအဖွဲ့အစည်းမှာ ရောဂါတစ်ခုခုရှိလို့ ကိုက်ခဲနာကျင်ရတာပါ။ ရာသီလာစဉ် နာကျင်ကိုက်ခဲခြင်းကိုဖြစ်စေတဲ့ ရောဂါတွေကတော့ endometrisis လို့ခေါ်တဲ့ သားအိမ်အလွှာ နေရာလွဲမှားရောက်နေခြင်း၊ သားအိမ်ထဲတွင် အသားလုံးတည်ခြင်း၊ မျိုးပွားအင်္ဂါအဖွဲ့အစည်း ပိုးဝင်ခြင်းတို့ကြောင့် ဖြစ်နိုင်ပါတယ်။ ဒါ့အပြင် သားအိမ်ထဲ ကိုယ်ဝန်တားပစ္စည်း (IUD) ထည့်ထားရင်လည်း ဖြစ်တတ်ပါတယ်။

>>  ဘယ်လိုလူတွေမှာ ရာသီလာစဉ် ကိုက်ခဲနာကျင်လေ့ရှိပါသလဲ?
အသက် (၃၀) အောက်အမျိုးသမီးများ၊ ရာသီမမှန်ခြင်း၊ ရာသီသွေးဆင်းတဲ့ပမာဏများခြင်း၊ ဆေးလိပ်သောက်ခြင်း၊ မျိုးပွားအင်္ဂါအဖွဲ့အစည်းတွင် ရောဂါတစ်ခုခုရှိနေခြင်း စတာတွေကြောင့် ဖြစ်နိုင်ပါတယ်။

>>  နောက်ဆက်တွဲဆိုးကျိုးများ
●  အရမ်းနာကျင်တဲ့အခါ နေ့စဉ်လုပ်ငန်းဆောင်တာတွေ ဆောင်ရွက်ဖို့ ပျက်ကွက်လာမယ်။ အလုပ်ပျက်၊ ကျောင်းပျက်တာတွေ ဖြစ်လာမယ်။
●  ပျို့အန်ခြင်း၊ ခါးကိုက်ခြင်းနဲ့ ကြွက်သားတွေအားနည်းပြီး နုံးချိခြင်းတွေ ဖြစ်လာမယ်။
●  Secondary dysmenorrhoea ကြောင့်ဆိုရင် ကိုယ်ဝန်မရနိုင်တာ၊ နေရာလွဲသန္ဓေတည်တာအထိတွေ ဖြစ်လာနိုင်ပါတယ်။