ကလေးတွေ ချောင်းဆိုးတဲ့အခါ

ချောင်းဆိုးသက်သာအောင် ဘယ်လိုလုပ်ရမလဲ?
နမိုးနီးယား၊ ထိပ်ကပ်နာ၊ ကြက်ညှာချောင်းဆိုးတွေအတွက် ပိုးသတ်ဆေးပေးထားတယ်ဆိုရင် ဆေးပတ်လည်အောင် သောက်ပါ။ အတော်များများကတော့ ဗိုင်းရပ်စ်ကြောင့်ဖြစ်တာမို့ ပိုးသတ်ဆေးပေးလည်း ဘာမှမထူးပါဘူး။ ဒါကြောင့် ကလေး သက်သာအောင် လုပ်ပေးနိုင်မယ့်နည်းလမ်းလေးတွေ ပြောပြပါ့မယ်။
1.  နှာခေါင်းပိတ်တာ သက်သာအောင် နှာခေါင်းအစက်ချဆေး ထည့်ပါ။
2.  ချွဲပျော်အောင် ရေများများသောက်ပါ။
3.  လည်ချောင်းယားတာ၊ နာတာသက်သာအောင် ရေနွေးနဲ့ ပျားရည်တိုက်ပါ။ (အသက် ၁ နှစ်အထက် ကလေးများသာ)
4.  အသက် ၄ နှစ်အထက် ကလေးတွေမှာ ချောင်းဆိုးပျောက်ဆေးရည် တိုက်ပါ။
5.  ဆေးလိပ်ငွေ့နဲ့ ဝေးဝေးထားပါ။
6.  ရေနွေးငွေ့ရှူပါ။
7.  နှာစေးပျောက်ဆေးနဲ့ ချောင်းဆိုးပျောက်ဆေးတွေကို အသက် ၆ နှစ်နဲ့အထက်ကလေးတွေမှာပဲ ပေးပါ။