ခန္ဓာကိုယ်ထဲမှာ ဟော်မုန်းကမောက်ကမ ဖြစ်နေပြီဆိုရင်

၃။  လိင်စိတ်ဆန္ဒလျော့နည်းခြင်း
လိင်စိတ်ဆန္ဒ လျော့နည်းခြင်းဟာ သွေးမဆုံးခင်ကာလနဲ့ သွေးဆုံးပြီးနောက်မှာ အီစထရိုဂျင်ဟော်မုန်းနဲ့ တက်စတိုစတီရုန်းဟော်မုန်းတွေ လျော့နည်းသွားလို့ဖြစ်တာပါ။ တခြားလက္ခဏာတွေဖြစ်တဲ့ ညဘက်ချွေးစေးပြန်တာ၊ နုံးတာ၊ စိတ်ဓာတ်ကျတာ၊ စိတ်လှုပ်ရှားတာတွေကလည်း လိင်မှုကိစ္စမှာ အနှောင့်အယှက်ပေးနိုင်ပါတယ်။

၄။  အိပ်မပျော်ခြင်း၊ အိပ်ရေးမဝခြင်း
သွေးဆုံးခါနီးနဲ့ သွေးဆုံးပြီးချိန်မှာ သားဥအိမ်ကနေ အီစထရိုဂျင်နဲ့  ပရိုဂျက်စထရုန်းဟော်မုန်းတွေ အနည်းအကျဉ်းသာ ထုတ်ပါတော့တယ်။ ဒီဟော်မုန်းတွေဟာ အိပ်စက်ခြင်းကို အားပေးတဲ့ဟော်မုန်းတွေပါပဲ။ အီစထရိုဂျင်ပမာဏ လျော့နည်းလာခြင်းကြောင့် ညဘက်ကို ချွေးတွေထွက်ပြီး အိပ်ရေးပျက်စေတဲ့အတွက်လည်း နုံးပြီး အားအင်ချိနဲ့စေနိုင်ပါတယ်။

၅။  အကြောင်းရင်းမရှိဘဲ ကိုယ်အလေးချိန်တက်လာခြင်း
ဟော်မုန်းဆိုင်ရာပြဿနာတွေဖြစ်တဲ့ သိုင်းရိုက်ဓာတ်အားနည်းတာ၊ သားဥအိမ်အရည်အိတ်ငယ်လေးများ တည်တဲ့ရောဂါစု၊ သွေးဆုံးခြင်း စတဲ့ အခြေအနေတွေအားလုံးဟာ ကိုယ်အလေးချိန် ကျစေနိုင်ပါတယ်။

၆။  အရေပြားပြဿနာများ
တာရှည်ဝက်ခြံတွေ တောက်လျှောက်ပေါက်နေတာဟာ အီစထရိုဂျင်နဲ့ ပရိုဂျက်စထရုန်းနည်းပြီး တက်စတိုစတီရုန်းများနေတာ၊ သားဥအိမ်မှာ အရည်အိတ်ငယ်များ စုဝေးနေတဲ့ရောဂါစု စတာတွေကို ဖော်ပြပါတယ်။ ဒီနည်းတူပဲ ကိုယ်ဝန်ဆောင်ချိန်နဲ့ သွေးဆုံးချိန်မှာ အသားတွေ ယားယံသလို သွေးဆုံးချိန်နဲ့ သိုင်းရွိုက်ပြဿနာတွေကြောင့်လည်း အသားခြောက်နိုင်ပါတယ်။