အမျိုးသမီးများ မိမိကိုယ်တိုင် ပြုလုပ်နိုင်သော ကျန်းမာရေးစစ်ဆေးခြင်းများ

2.  နှလုံးခုန်နှုန်း စစ်ဆေးခြင်း
နှလုံးရောဂါဟာ အမျိုးသမီးကျန်းမာရေးပြဿနာများထဲတွင် အဆိုးရွားဆုံး တစ်ခုအပါအဝင်ဖြစ်ပြီး အသက်အန္တရာယ်ကို ခြိမ်းခြောက်နိုင်ပါတယ်။ မိမိနှလုံးခုန်နှုန်းကို မိမိဘာသာ အမြဲမပြတ် စမ်းသပ်စစ်ဆေးခြင်းဖြင့် ဒီအန္တရာယ်တွေကို ကြိုတင်ရှောင်ရှားနိုင်ပါတယ်။
သွေးခုန်နှုန်းကို စမ်းသပ်ရန် လက်ညှိုးနှင့်လက်ခလယ်ကို လက်မအောက်ဘက်ရှိ အတွင်းဘက် လက်ကောက်ဝတ်ပေါ်သို့ တင်ပါ။ သွေးခုန်နှုန်းကို တစ်မိနစ်ပြည့်အောင်ရေတွက်ပါ။ ပုံမှန်အရွယ်ရောက်ပြီးသူ တစ်ယောက်သည် တစ်မိနစ်လျှင် နှလုံးခုန်နှုန်း 60 မှ 100 ကြား ရှိလေ့ရှိသည်။ အလွန်မြန်နေခြင်း (သို့) အလွန်နှေးနေခြင်းအပြင် သံသယဖြစ်ဖွယ် တစ်စုံတစ်ရာ ခံစားရပါက ဆရာဝန်နှင့် ချက်ချင်းသွားရောက်ပြသပါ။

3.  သားဥကြွေခြင်း ရှိ/မရှိ စစ်ဆေးခြင်း
အိမ်တွင် စစ်ဆေးနိုင်သော ကျန်းမာရေးစစ်ဆေးမှုများတွင် ရောဂါများကို စောလျင်စွာ သိစေနိုင်ရုံသာမက မျိုးဥကြွေခြင်း ရှိ/မရှိကို စစ်ဆေးခြင်းဖြင့် ကိုယ်ဝန်ရနိုင်ရန် အခွင့်အလမ်းကို မြင့်မားစေနိုင်ပါတယ်။
သားဥကြွေခြင်း ရှိ/မရှိ သိနိုင်တဲ့ ဆီးစစ်ကိရိယာက ဆီးအတွင်း၌ ဟော်မုန်းမြင့်တက်နေခြင်း ရှိ/မရှိကို စစ်ဆေးပေးခြင်းဖြင့် အမမျိုးဥအိမ်မှ သားဥများထုတ်နေခြင်း ရှိ/ မရှိကို သိစေနိုင်ပါသည်။