ကလေးတွေ ကိုယ်လက်လှုပ်ရှားမှုနည်းရင် ဘာတွေဖြစ်လာနိုင်သလဲ

>>  ကိုယ်လက်လှုပ်ရှားမှုနည်းတဲ့အခါ ဖြစ်လာနိုင်တဲ့ ကျန်းမာရေးပြဿနာတွေကတော့ -
●  နှလုံးသွေးကြောကျဉ်းရောဂါ၊ ဆီးချိုသွေးချိုရောဂါနဲ့ အဝလွန်ရောဂါဖြစ်နိုင်ချေဟာ သာမန်ကလေးတွေနဲ့ယှဉ်ရင် နှစ်ဆပိုများပါတယ်။
●  သွေးတိုးရောဂါ၊ အရိုးပါးအရိုးပွရောဂါနဲ့ သွေးတွင်းအဆီများတဲ့ရောဂါတွေ ဖြစ်နိုင်ချေလည်း မြင့်တက်လာနိုင်ပါတယ်။
●  အူမကြီးကင်ဆာအပါအဝင် တချို့ကင်ဆာရောဂါတွေ ဖြစ်နိုင်ချေကိုလည်း မြင့်တက်စေပါတယ်။
●  ကိုယ်လက်လှုပ်ရှားမှုမရှိရင် ကြွက်သားတွေသေးပြီး အဆစ်တွေတောင့်တင်းနေတာကြောင့် ပုံမှန်လှုပ်ရှားမှုလေးလုပ်ရင်တောင် နာကျင်ခြင်းကို ခံစားရနိုင်ပါတယ်။
●  ဘာမှမလုပ်ဘဲ ဒီတိုင်းထိုင်ရုံထိုင်နေတာဟာ ကလေးတွေရဲ့ ဦးနှောက်စွမ်းဆောင်ရည်ကို ကျဆင်းစေပါတယ်။
●  ပုံမှန်တက်ကြွလှုပ်ရှားနေတဲ့ ကလေးဟာ ညဆိုရင် ပင်ပန်းတာကြောင့် နှစ်နှစ်ခြိုက်ခြိုက် အိပ်ပျော်ပေမယ့် တစ်နေကုန် ထိုင်နေ၊ လဲလျောင်းနေတဲ့ကလေးတွေအနေနဲ့ ညဘက်တွေမှာ နှစ်နှစ်ခြိုက်ခြိုက် အိပ်မပျော်နိုင်တာကြောင့် အိပ်ရေးမဝခြင်းရဲ့ နောက်ဆက်တွဲဆိုးကျိုးတွေကို ခံစားရနိုင်ပါတယ်။
●  စိတ်ဓာတ်ကျခြင်း၊ စိတ်အတက်အကျမြန်ခြင်း စတဲ့ စိတ်ကျန်းမာရေးပြဿနာတွေ ဖြစ်လာနိုင်ချေဟာလည်း သာမန်ထက် ၂၅% ပိုများတာကို တွေ့ရပါတယ်။