မိမိတို့ကလေးမှာ အာဟာရချို့တဲ့နေပြီလား
အာဟာရဓာတ် လုံလုံလောက်လောက်ရအောင် ကျွေးပေးတာဟာ ကလေးရဲ့ ကြီးထွားဖွံ့ဖြိုးမှုအတွက်သာမက ရောဂါကင်းဝေးပြီး ကျန်းမာတဲ့ဘဝကို ပိုင်ဆိုင်နိုင်ဖို့အတွက် အလွန်အရေးကြီးပါတယ်။ ခန္ဓာကိုယ်အတွက် မရှိမဖြစ် အရေးပါတဲ့အာဟာရဓာတ်တွေ၊ ဗီတာမင်နဲ့ သတ္တုဓာတ်တွေကိုသာ မရခဲ့ဘူးဆိုရင် အာဟာရချို့တဲ့ပြီးတော့ အရွယ်အစားညှက်ကာ နာတာရှည်နာမကျန်းဖြစ်တာတွေ ဖြစ်လာနိုင်ပါတယ်။
>> အာဟာရချို့တဲ့ရတဲ့ အကြောင်းရင်းတွေက ဘာတွေလဲ?
● အစားကောင်းကောင်းမစားခြင်း
● အစားအသောက်ကို အချိန်မှန်မစားခြင်း
● နာတာရှည်အူရောင်ရမ်းခြင်းလိုမျိုး အစာအိမ်နဲ့အူလမ်းကြောင်းရောဂါတွေရှိခြင်း
● မိခင်နို့မတိုက်ခြင်း စတာတွေကြောင့် ကလေးတွေမှာ အာဟာရချို့တဲ့တာ ဖြစ်နိုင်ပါတယ်။
ဒါ့အပြင် ကိုယ်လက်လှုပ်ရှားမှုမရှိရင်လည်း အစာချေဖျက်မှုဖြစ်စဉ်ကို နှေးကွေးစေလို့ အာဟာရချို့တဲ့နိုင်ပါတယ်။
Nutrilin IA 1
>> ကလေးတွေ အာဟာရချို့တဲ့ရင် ဘယ်လိုလက္ခဏာတွေ ခံစားရနိုင်သလဲ?
ဘယ်အာဟာရဓာတ် ချို့တဲ့တာလဲအပေါ် မူတည်ပြီးတော့ လက္ခဏာတွေကတော့ ကွာခြားနိုင်ပါတယ်။ အတွေ့ရများတဲ့ လက္ခဏာတွေကတော့ -
● မောပန်းလွယ်ခြင်း
● ဂျီကျခြင်း၊ ဂနာမငြိမ်ခြင်း
● ကိုယ်ခံအားနည်းတာကြောင့် မကြာခဏ ရောဂါပိုးဝင်ခြင်း
● အရေပြားခြောက်သွေ့ပြီး အကြေးခွံလိုအဖက်တွေ ဖြစ်ခြင်း
● လူကောင်သေးခြင်း
● လေထိုးလေအောင့်ခြင်း
● အနာကျက်နှေးခြင်း၊ နေမကောင်းဖြစ်ရင် ပြန်ကောင်းဖို့ အချိန်ကြာခြင်း
● ကြွက်သားထုထည်သေးခြင်း
● အပြုအမူနဲ့ ဉာဏ်ရည်ပိုင်းဆိုင်ရာ ဖွံ့ဖြိုးမှု နောက်ကျခြင်း စတာတွေပဲ ဖြစ်ပါတယ်။
Nutrilin IA 2
>> အာဟာရချို့တဲ့တာကို ဘယ်လိုကုသလို့ရသလဲ?
အရမ်းမဆိုးဘူးဆိုရင်တော့ ဆရာဝန်ညွှန်ကြားချက်အတိုင်း ကျန်းမာရေးနဲ့ ညီညွတ်မျှတတဲ့ အစားအသောက်တွေကို အချိန်မှန်ကျွေးခြင်း၊ အရည်များများတိုက်ခြင်းဖြင့် မိမိတို့အိမ်မှာပဲ သက်သာအောင် ကုသလို့ရပါတယ်။
အာဟာရချို့တဲ့တာ အရမ်းဆိုးတယ်ဆိုရင်တော့ ဆရာဝန်နဲ့ပြသပြီး ဆေးဝါးတွေ၊ ဖြည့်စွက်အားဆေးတွေ တိုက်ဖို့လိုသလို နှာခေါင်းပိုက်၊ အစာပိုက်ကနေတစ်ဆင့် အစာထည့်တာ၊ ဆေးရုံတက်ပြီး စောင့်ကြပ်စစ်ဆေးမှုခံယူတာမျိုးအထိ လိုအပ်လာနိုင်ပါတယ်။
>> အာဟာရချို့တဲ့မှုမဖြစ်အောင် ဘယ်လိုကာကွယ်ကြမလဲ?
● တစ်နှစ်အောက်ကလေးတွေကို မိခင်နို့တိုက်ပါ။ အကြောင်းအမျိုးမျိုးကြောင့် မိခင်နို့မတိုက်နိုင်ဘူးဆိုရင် ဖြည့်စွက်ဖော်မြူလာနို့မှုန့်တွေ တိုက်ပေးပါ။
● ခန္ဓာကိုယ်အတွက် မရှိမဖြစ်လိုအပ်တဲ့ အသားဓာတ်၊ ကစီဓာတ်၊ အဆီဓာတ်၊ ဗီတာမင်နဲ့ သတ္တုဓာတ်တွေ ရရှိအောင် ကလေးတွေ နေ့စဉ်စားမယ့်အထဲမှာ ဟင်းသီးဟင်းရွက်များ၊ အသီးအနှံများ၊ ဆန်၊ ဂျုံ၊ ပြောင်း၊ အသားအမျိုးမျိုး၊ ပဲအမျိုးမျိုး၊ ဥအမျိုးမျိုး၊ အခွံမာသီးနဲ့ အစေ့အဆံများ ပါဝင်အောင် ကျွေးပေးပါ။
● ကိုယ်လက်လှုပ်ရှားမှုရှိအောင် တိုက်တွန်းပေးပါ။
Dr. Aye Hsu Mon (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...