ကလေးတွေမှာ ရှိသင့်တဲ့အသက်ရှူနှုန်းနဲ့ ဘယ်လိုလက္ခဏာတွေပြရင် စိုးရိမ်သင့်လဲ?
ကလေးရဲ့ အဆုတ်အလုပ်လုပ်ပုံကို ခန့်မှန်းနိုင်ဖို့ အသက်ရှူနှုန်းက အရေးပါပါတယ်။ ကလေးတွေရဲ့ အသက်ရှူနှုန်းဟာ ကလေးအသက်အပြင် ကိုယ်လက်လှုပ်ရှားမှု၊ ကိုယ်အပူချိန်၊ သွေးပေါင်ချိန်နဲ့ သွေးတွင်းလျပ်ရည်ပမာဏတွေပေါ် မူတည်ပြီး ပြောင်းလဲနိုင်ပါတယ်။
>> ကလေးတွေအသက်အလိုက် ပုံမှန်ရှိရမယ့် အသက်ရှူနှုန်း (တစ်မိနစ်အတွင်းရှူနှုန်း) တွေကတော့ -
● မွေးကင်းစ (ပထမတစ်နှစ်အတွင်း) - ၃၀-၆၀
● အသက် ၁-၃ နှစ်အတွင်း - ၂၄-၄၀
● အသက် ၃-၆ နှစ်အတွင်း - ၂၂-၃၄
● အသက် ၆-၁၂ နှစ်အတွင်း - ၁၈-၃၀
● အသက် ၁၂-၁၈ နှစ်အတွင်း - ၁၂-၁၆
Solmux Kids 1
>> အသက်ရှူနှုန်းကို ဘယ်လိုတိုင်းတာမလဲ?
ကလေးရဲ့ရင်ဘတ်လေးကို ကြည့်လိုက်ပါ။ ရင်ဘတ်မောက်တက်လာရင် အသက်ရှူသွင်းတာဖြစ်ပြီး ရင်ဘတ်လေးပြန်ကျသွားရင် အသက်ရှူထုတ်တာ ဖြစ်ပါတယ်။ ဒီလိုရှူသွင်းရှူထုတ် တစ်စက်ဝန်းကို အသက်ရှူသံတစ်ချက်လို့ ရေတွက်မှာ ဖြစ်ပါတယ်။ တစ်မိနစ်အတွင်း ဘယ်နှချက်ရှူတယ်ဆိုတာကို ရေတွက်ပါ။ လှုပ်လှုပ်ရှားရှားလုပ်ပြီးချိန်မှာ မရေတွက်ပါနဲ့။ မှားတတ်ပါတယ်။
Solmux Kids 2
>> ဘယ်အချိန်မှာ ဆရာဝန်နဲ့ပြဖို့ လိုအပ်မလဲ?
အသက် ၁-၁၂ နှစ်ကလေးမှာ အသက်ရှူနှုန်းအကြိမ် ၄၀ ထက်မြန်လာရင်၊ အသက် ၁၂ နှစ်အထက်ကလေးမှာ အသက်ရှူနှုန်းအကြိမ် ၂၀ ထက်မြန်လာရင်၊ တစ်မိနစ်ကို အသက်ရှူနှုန်း ၁၂ ကြိမ်အောက် ကျလာရင် ပုံမမှန်ဘူးလို့ ဆိုနိုင်ပါတယ်။ ဒီလိုအသက်ရှူပုံမမှန်တာအပြင် -
● နှလုံးခုန်မြန်တာ
● လည်ချောင်းထဲက တစ်ရွှီရွှီမြည်နေတာ
● အသားတွေ၊ နှုတ်ခမ်းတွေ ပြာလာတာ
● တအင်းအင်း ညီးနေတာ
● လည်ပင်း၊ ရင်ဘတ်ကြွက်သားတွေပါသုံးပြီး ရှူနေရတာ
● နှာခေါင်းလေး ပွချည်ရှူံ့ချည်ဖြစ်နေတာ
● ရင်ဘတ်ကြွက်သားတွေ ချိုင့်ချိုင့်ဝင်သွားတာ
● ကလေးမှိန်းလာတာ ဒီလိုလက္ခဏာတွေရှိလာရင် အရေးပေါ်အခြေအနေ ဖြစ်ပါတယ်။ ဆေးရုံ၊ ဆေးခန်း ချက်ချင်းခေါ်သွားဖို့ လိုအပ်ပါတယ်။
Dr. Mya Phoo Ngon (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...