ကလေးများနှင့် လေပြွန်ရောင်ရမ်းခြင်း
လေပြွန်ရောင်တယ်ဆိုတာ အဆုတ်ထဲမှာရှိတဲ့ လေပြွန်ကြီးတွေ ရောင်ရမ်းပြီးတော့ အချွဲတွေပိုထုတ်တဲ့ ရောဂါတစ်မျိုးပါ။ လေပြွန်ရောင်ရမ်းတာကြောင့် အသက်ရှူလမ်းကြောင်းဟာ ကျဉ်းနေရတဲ့အထဲ အချွဲတွေပါ လာစုတော့ ပိုကျဉ်းပြီး အသက်ရှူရခက်တာ၊ ချောင်းဆိုးတာ စတဲ့ လက္ခဏာတွေကို အများဆုံး ခံစားရနိုင်ပါတယ်။
>> လေပြွန်ရောင်ခြင်းအမျိုးအစားများ
ကာလတိုလေပြွန်ရောင်ခြင်းနဲ့ ကာလရှည်လေပြွန်ရောင်ခြင်းဆိုပြီး နှစ်မျိုးရှိပါတယ်။ ကလေးတွေမှာ အဖြစ်များတာကတော့ ကာလတိုလေပြွန်ရောင်ခြင်းပါ။ ဗိုင်းရပ်စ်ပိုးကြောင့် အဓိကဖြစ်ပြီး ရက်သတ္တပတ် အနည်းငယ်ကြာရင် သက်သာသွားလေ့ရှိပါတယ်။ ကာလရှည်လေပြွန်ရောင်ခြင်းကတော့ ဖြစ်တာရှားပြီး တစ်ဆင့်ခံဆေးလိပ်ငွေ့ရှူရှိုက်မိလို့ ဖြစ်ရတာများပါတယ်။
Atussin Kids 1
>> လေပြွန်ရောင်ခြင်းရဲ့ ရောဂါလက္ခဏာများ
လေပြွန်ရောင်တဲ့အခါ -
● ချောင်းစိုဆိုးခြင်း
● အဖြူပျစ်ပျစ် (သို့) အဝါရောင် (သို့) အစိမ်းရောင်သလိပ်ထွက်ခြင်း
● အသက်ရှူတဲ့အခါ တရွှီရွှီမြည်ခြင်း
● ရင်ဘတ်အောင့်ခြင်း
● ခေါင်းကိုက်ခြင်း
● ဖျားခြင်း၊ ချမ်းတုန်ခြင်း စတဲ့လက္ခဏာတွေကို ခံစားရပြီး
>> ကာလရှည်လေပြွန်ရောင်ရင်တော့ -
● အသက်ရှူလမ်းကြောင်းရောဂါပိုးတွေ ကူးစက်ခံရရင် သက်သာဖို့အချိန်ဟာ ပုံမှန်ထက်ပိုကြာခြင်း
● ချောင်းဆိုးတာ၊ မောတာ၊ အသက်ရှူတိုင်း တရွှီရွှီမြည်တာဟာ နေ့တိုင်းလိုလို ဖြစ်နေခြင်း
● အသက်ရှူရတာ ပိုပိုပြီးခက်ခဲလာခြင်း
စတာတွေကို ခံစားရနိုင်ပါတယ်။
Atussin Kids 2
>> လေပြွန်ရောင်ခြင်းကို ဘယ်လိုကုသရမလဲ?
ဗိုင်းရပ်စ်ပိုးကြောင့်အဖြစ်များလို့ ရောဂါလက္ခဏာတွေ သက်သာအောင်လုပ်ပေးဖို့က အဓိကကျပါတယ်။
● ကလေးကို အရည်များများဝင်အောင် တိုက်ပေးပါ။
● ကောင်းကောင်းအနားယူစေပါ။
● လိုအပ်ပါက ဆရာဝန်နဲ့တိုင်ပင်ပြီး ညွှန်ကြားတဲ့အတိုင်း ကုသမှုခံယူပေးပါ။
>> လေပြွန်ရောင်ခြင်းကို ဘယ်လိုကာကွယ်ကြမလဲ?
● အသက်ရှူလမ်းကြောင်းဆိုင်ရာ ရောဂါပိုးတွေကြောင့်ဖြစ်လို့ မကြာခဏလက်ဆေးခြင်းဖြင့် အထိုက်အလျောက် ကာကွယ်ပေးနိုင်ပါတယ်။
● ကာလရှည်လေပြွန်ရောင်ခြင်းမဖြစ်အောင် ကလေးနားမှာ ဆေးလိပ်သောက်တာကို ရှောင်ကြဉ်ပေးပါ။
Dr. Aye Hsu Mon (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...