ကိုယ်အလေးချိန်လျော့ချဖို့ အရေးကြီးဆုံးအရာ
ကိုယ်အလေးချိန်လျှော့ချတော့မယ်ဆိုရင် လူတိုင်းလိုလိုက လေ့ကျင့်ခန်းလုပ်ရမယ်၊ ကယ်လိုရီနည်းတဲ့ အစာတွေစားရမယ်လို့သာ ဟစ်ကြွေးကာ အကောင်အထည်ဖော်ဖို့အားထုတ်တတ်ကြပေမယ့် ကိုယ်အလေးချိန်ချချင်စိတ် အမှန်တကယ်ရှိရဲ့လားဆိုတာကိုတော့ လျစ်လျူရှုထားမိတတ်ကြပါတယ်။
မိမိအနေနဲ့ ကိုယ်အလေးချိန်လျှော့ချချင်စိတ်မပြင်းပြဘဲ ၀ိတ်လျှော့ဦးမှပါဟုပေါ့ပေါ့တန်တန် သဘောထားကာလုပ်ဆောင်ခြင်းကြောင့် လိုရာပန်းတိုင်ကို မရောက်မီမှာပဲ လက်လျှော့လိုက်ကြသူတွေများပါတယ်။
လေ့လာမှုတွေအရ ကိုယ်အလေးချိန်လျှော့ချမယ်လို့ ဆုံးဖြတ်ပြီးပြီဆိုတာနဲ့တပြိုင်နက် လေ့ကျင့်ခန်း လုပ်ဖို့သာ အရေးကြီးတယ်ဟု ထင်သူ 31 ရာခိုင်နှုန်းရှိပြီး အစားလျှော့စားဖို့သာ အဓိကကျတယ်လို့တွေးသူ 26 ရာခိုင်နှုန်းရှိကာ 17 ရာခိုင်နှုန်းကတော့ ကျန်းမာရေးနဲ့ညီညွတ်တဲ့ ဘ၀နေထိုင်မှုပုံစံအတွက် ကုန်ကျမှုအပေါ်အပြစ်တင်တတ်ကြပါတယ်။ 10 ယောက်မှာ 1 ယောက်လောက်သာလျှင် ကိုယ်အလေးချိန်လျှော့ချရာမှာ စိတ်ကအရေးကြီးဆုံးဖြစ်တယ်လို့ နားလည်သဘောပေါက်ထားတတ်ကြပါတယ်။
စင်စစ်မှာ မိမိကိုယ်တိုင်က ကိုယ်အလေးချိန်လျှော့ချချင်စိတ်ရှိခြင်းသာ အခြေခံကျပြီး စိတ်က ဦးဆောင်နေမှသာ အစားအစာအပေါ် စွဲလမ်းစိတ်၊ ပျင်းရိချိန်၊ စိတ်ညစ်တဲ့အချိန်မှာ အစားစားပြီးနှစ်သိမ့်လေ့ရှိတဲ့ အရိုးစွဲနေတဲ့အကျင့်ကို ပြုပြင်နိုင်မှာဖြစ်ကာ လေ့ကျင့်ခန်းကိုလည်း ဇွဲရှိရှိနဲ့ မိမိလိုချင်တဲ့ပန်းတိုင်ရောက်သည်အထိ မပျက်မကွက်လုပ်ဆောင်သွားနိုင်မှာဖြစ်ပါတယ်။ ဒါကြောင့် ကိုယ်အလေးချိန်ချလိုစိတ်သာ အဓိကကျတယ်လို့ဆိုရမှာပါ။
ဒါကြောင့် ကိုယ်အလေးချိန်လျှော့ချလိုတဲ့ မည်သူမဆို ကိုယ်အလေးချိန်လျှော့ချချင်တဲ့ ပြင်းပြတဲ့ စိတ်ဓာတ်တစ်ခုသာ လိုအပ်တယ်လို့ဆိုချင်ပါတယ်။
Cho Thet
Related News And Articles
1. ဝက်ခြံကို ဘယ်တော့မှ မညှစ်ပါနဲ့။
ကိုယ့်မျက်နှာပေါ်က ဝက်ခြံလေးက ကြီးလာ၊ ရဲလာ၊ စူထွက်လာပြီဆိုရင် ဒီဝက်ခြံကို ကိုယ့်အရေပြားပေါ်ကနေ အတတ်နိုင်ဆုံး မြန်မြန်ပျောက်သွားစေချင်ပြီးတော့ ညှစ်ထုတ်ဖို့ လက်ယားနေကြမှာပါ။ ဒါပေမဲ့ လုံးဝမညှစ...
ချိုင်းကြား အသားမည်းညစ်နေလို့ လက်မမြှောက်ရဲ၊ လက်ပြတ်အကျလှလှလေးတွေ မဝတ်ရဲ ဖြစ်နေပါသလား?
ချိုင်းကြား အသားမည်းနေတာဟာ ကျန်းမာရေးနဲ့ မသက်ဆိုင်ပါဘူး။ ဓာတုပစ္စည်းတွေပါတဲ့ ချိုင်းမွေးချွတ်ခရင်မ်တွေ၊ ချိုင်းမွေးရိတ်တာတွေ၊ အရက်ပြန်ပါတဲ့ ချိုင်းတောင့်တွေ၊ ချိုင်းနေရာကို လေအဝင်အထွ...