ရာသီလာရက် မမှန်ခဲ့ရင် ကလေး ရနိုင်ပါ့မလား?

          နည်းနည်းတော့ ခက်ခဲနိုင်ပေမယ့် ရနိုင်ပါတယ်။ 28 ရက်တစ်ကြိမ် ဓမ္မတာ လာနေသူတစ်ယောက်ဟာ 14 ရက်တိုင်းမှာ သားဥကြွေတတ်ပေမယ့် 35 ရက်ကနေ 42 ရက် ရာသီစက်ဝန်း ရှိသူမှာတော့ ရက်ပိုကြာသွားတာကြောင့် သားဥကြွေတာ ပျမ်းမျှပိုနည်းတယ်လို့ ဆိုနိုင်ပါတယ်။ ရာသီစက်ဝန်း မမှန်သူတွေမှာတော့ သားဥကြွေရက်ကို တွက်ချက်ဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။

>>    ရာသီလာနေစဉ်မှာ ကိုယ်ဝန်ရနိုင်သလား?

          ရနိုင်တယ်လို့ ဆိုရပေမယ့် တော်တော်တော့ အဖြစ်နည်းပါတယ်။ ပုံမှန်ရာသီစက်ဝန်းထက် ပိုတိုသူတွေမှာ ဖြစ်နိုင်ပါတယ်။ ဥပမာအားဖြင့် ရာသီစက်ဝန်း 21 ရက်သာ ရှိသူတစ်ယောက်မှာ 7 ရက်မြောက်နေ့မှာ သားဥကြွေတဲ့အတွက် ရာသီလာရက် 5 ရက်မြောက်မှာ အတူနေမိခဲ့ရင် ရနိုင်ပါတယ်။ သုတ်ကောင်ဟာ 5 ရက်အထိ အသက်ရှည်နိုင်ပြီး သားဥကြွေချိန်မှာ သားဥပြွန်အတွင်း စောင့်နေနိုင်တာကြောင့် ဖြစ်ပါတယ်။

Dr. Emerald (www.drmyanmar.com)