ကလေးများနှင့် အူကျရောဂါ
ဝမ်းဗိုက်အတွင်းရှိ အူအပိုင်းအစဟာ ဝမ်းဗိုက်နံရံကနေတစ်ဆင့် ပြူထွက်လာခြင်းကို အူကျခြင်းဟု သတ်မှတ်ခေါ်ဆိုပါတယ်။ လူကြီးတွေမှာတော့ ဝမ်းဗိုက်ကြွက်သားများ လျော့ရဲလာခြင်းကြောင့် ဖြစ်သော်လည်း ကလေးများတွင် အူကျခြင်းဟာ မွေးရာပါဖြစ်လေ့ရှိပြီး မွေးဖွားပြီးမှ ဖြစ်တာ ရှားပါတယ်။
အူကျခြင်းဟာ ကလေးများရဲ့ ၂ ရာနှုန်းတွင် ဖြစ်ပေါ်လေ့ရှိပြီး ယောက်ျားလေးများတွင် ပိုမိုအဖြစ်များပါတယ်။ ဘယ်ဘက်ထက်စာရင် ညာဘက်ပေါင်ခြံတွင် အဖြစ်များပါတယ်။
ပေါင်ခြံသို့ ထွက်ကျလာသော အူအခွေကို လက်ဖြင့်ပြန်သွင်းပါက ဗိုက်အတွင်းသို့ ပြန်ဝင်သော်လည်း တစ်ခါတစ်ရံမှာတော့ ထွက်ကျလာသော အူအခွေဟာ ဝမ်းဗိုက်အတွင်းသို့ ပြန်မဝင်နိုင်ဘဲ အပေါက်ဝတွင် တစ်နေတတ်ပြီး သွေးလှည့်ပတ်မှု ပြတ်တောက်စေနိုင်ပါတယ်။ ထိုအခါ အရေးပေါ်ခွဲစိတ်မှုခံယူဖို့ လိုပါတယ်။
Biogesic for kids IA 1
>> ဖြစ်စေသောအကြောင်းရင်းများ
● လမစေ့ဘဲမွေးခြင်း
● ဝှေးစေ့အောက်မကျခြင်း
● မိသားစုတွင် အူကျသောရာဇဝင်ရှိခြင်း
● ဆီးလမ်းကြောင်းချို့ယွင်းချက်များရှိခြင်း
● အဆုတ်တွင် ချွဲများဖြင့်ပိတ်ဆို့သောရောဂါ
● တင်ပါးဆုံရိုး ကောင်းစွာမဖွံ့ဖြိုးသောရောဂါ
Biogesic for kids IA 2
>> ရောဂါလက္ခဏာများ
● ပေါင်ခြံ (သို့) ကပ်ပယ်အိတ်တွင် ဖောင်းလာခြင်း (အထူးသဖြင့် ကလေး ငိုသောအခါတွင် ပိုသိသာပြီး အငိုတိတ်သောအခါတွင် ပြန်ဝင်သွားခြင်း)
● အူကျခြင်းဟာ အတွင်းသို့ ပြန်မဝင်နိုင်ပါက အူကို ညှစ်ထားသကဲ့သို့ဖြစ်စေပြီး ချက်ချင်း ခွဲစိတ်မှုခံယူဖို့ လိုပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...