မွေးကင်းစကလေးငယ်များနှင့် ကလေးတွေမှာ တွေ့ရတဲ့ ကိုရိုနာဗိုင်းရပ်စ်လက္ခဏာများ

>>  ကလေးများအား ကိုဗစ်ကူးစက်ခြင်းမှ ကာကွယ်ဖို့အတွက် အောက်ပါအချက်များကို လိုက်နာပါ။
●  Physical Distancing နည်းစဉ်များကို လိုက်နာပြီး ပတ်ဝန်းကျင်ရှိလူများနှင့် ၆ ပေအကွာတွင် နေပါ။
●  အတတ်နိုင်ဆုံး အပြင်လုံး၀ မခေါ်သွားပါနဲ့။ မဖြစ်မနေ ထွက်ရပြီဆိုလျှင် maskကို နည်းလမ်းမှန်စွာ တပ်ဆင်ပေးပါ။ ဖြစ်နိုင်လျှင် face shield ပါ ထပ်တပ်ပါ။
●  ကိုဗစ် ကူးစက်ခံနိုင်ဖွယ်ရှိသောလူများနှင့် နီးကပ်စွာ နေစေခြင်းကို ရှောင်ကြဉ်ပါ။
●  ချောင်းဆိုးပြီး နှာချေပြီးတိုင်း၊ အိမ်ပြင်ကပြန်လာတိုင်း၊ အစာမစားခင်နှင့် အိမ်သာအဆင်းတိုင်း လက်ကို ဆပ်ပြာနှင့် စက္ကန့် ၂၀ ခန့် ဆေးကြောပါ။
●  မျက်နှာကို လက်ဖြင့် ကိုင်တွယ်ခြင်းကို တားမြစ်ပါ။
●  ကလေးကို အိပ်ရေး၀၀သိပ်ပါ။
●  အာဟာရပြည့်ဝသော အစားအသောက်များ၊ အထူးသဖြင့် Vitamin C ကြွယ်ဝသော အစားအသောက်များ နေ့စဉ် ဂရုစိုက်ပြီးကျွေးပါ။ ပုံမှန် မကျွေးဖြစ်လျှင် Vitamin C ပါသော ဖြည့်စွက်အားဆေးများကို တိုက်ကျွေးပါ။

လေပြေနုသွေး (ဆေး-၂) (www.drmyanmar.com)