အိပ်ပျော်နေစဉ် ကလေးငယ်ရုတ်တရက်သေဆုံးခြင်း
SIDS (Sudden Infant death Syndrome) ဆိုသည်မှာ အိပ်ပျော်နေစဉ် အတောအတွင်း ရောဂါတစ်စုံတစ်ရာကြောင့်မဟုတ်ဘဲ ကလေးငယ်ရုတ်တရက်သေဆုံးသွားခြင်းကို ဆိုလိုပါတယ်။ SIDS သည် တစ်နှစ်အောက်ကလေးများတွင် သေဆုံးမှု၏အဓိကအကြောင်းရင်းတစ်ခုဖြစ်ပြီး အသက် 1လမှ 4 လ အရွယ်ကလေးငယ်လေးများတွင် အဖြစ်အများဆုံးဖြစ်ပါတယ်။
♦ ဖြစ်ပွားရသည့်အကြောင်းရင်း
SIDSကိုဖြစ်ပွားစေသည့် အကြောင်းရင်းများကတော့
- အသက်ရူခြင်းကိုထိန်းချုပ်ပေးသော ဦးနှောက်အစိတ်အပိုင်းချို့ယွင်းနေခြင်း၊
- ပေါင်မပြည့်ဘဲမွေးခြင်း၊ ပေါင်မပြည့်ဘဲမွေးလာသောကလေးများတွင် အသက်ရူခြင်းနှင့် နှလုံးခုန်နှုန်းတွင် ထိန်းချုပ်နိုင်စွမ်းနည်းပါးတာကြောင့် အသက်ရူရပ်၍ သေဆုံးတတ်ပါတယ်။
- အအေးမိခြင်း၊
- ကလေးငယ်ကိုမှောက်ခုံသိပ်မိခြင်း၊
- နူးညံ့သောမျက်နှာပြင်ပေါ်တွင် မျက်နှာအပ်၍အိပ်မိခြင်း၊
- မိဘနှစ်ပါးကြားတွင် ကလေးငယ်ကိုသိပ်ခြင်း (အိပ်ပျော်နေစဉ်အတောအတွင်း ကလေးငယ်အား အမှတ်တမဲ့ဖိမိရာမှ အသက်ဆုံးရှုံးနိုင်ပါတယ်) တို့ဖြစ်ပါတယ်။
♦ SIDS ဖြစ်ပွားနှုန်းကို မြင့်တက်စေတဲ့အကြောင်းရင်း
SIDS ဖြစ်ပွားနှုန်းကို မြင့်တက်စေတဲ့အကြောင်းရင်းများမှာ
- ယောကျ်ားလေးများ၊
- အသက် 1 လ မှ 4 လအရွယ်ကလေးများ၊
- အမေရိကန်လူမျိုး၊ အိန္ဒိယလူမျိုးနှင့်လူမည်းများ၊
- မိသားစုမျိုးရိုးရှိသူများ၊
- ဆေးလိပ်ငွေ့ရှူရှိုက်ရသော ကလေးငယ်များ၊
- ကိုယ်၀န်ဆောင်နေစဉ် အတောအတွင်းမိခင်ဆေးလိပ်သောက်ခြင်း၊
- ကိုယ်၀န်ဆောင်နေစဉ် အတောအတွင်းအရက်သောက်ခြင်း၊
- ကိုယ်၀န်ဆောင်နေစဉ် အတောအတွင်းမူးယစ်ဆေးသုံးစွဲခြင်း
- အသက် 20 အရွယ်မတိုင်မီ ကိုယ်၀န်ဆောင်သောအမျိုးသမီးမှ မွေးလာသောကလေးငယ်များတို့ဖြစ်ပါတယ်။
ကာကွယ်ဆေးထိုးခြင်း၊ အော့အန်ခြင်းတို့သည် SIDS ကို ဖြစ်စေခြင်းမရှိပါဘူး။
♦ ကာကွယ်ခြင်း
Sudden Infant Death Syndrome ကိုကာကွယ်နိုင်ရန် အောက်ပါနည်းလမ်းများကို လိုက်နာဆောင်ရွက် သင့်ပါတယ်။
- ကလေးငယ်ကိုမှောက်လျက်သိပ်ခြင်း၊ ဘေးတစောင်းသိပ်ခြင်းမလုပ်ပါနှင့်။
- ကလေးငယ်၏ပုခက်ကိုမိဘများ၏ လက်တကမ်းတွင်သာထားရှိပါ။
- မိဘနှစ်ပါးနှင့်အတူကလေးငယ်အားမသိပ်ပါနှင့်။ အမှတ်မထင် မိဖိသွားနိုင်ပါတယ်။
- ပုခက်ထဲတွင် ပစ္စည်းများ၊ အရုပ်များဖြင့် ရှုပ်ပွမနေစေပါနှင့်။ အရုပ်များနှင့်ကလေးမျက်နှာအပ်မိပြီး ကလေးငယ်အား အသက်ရှူရပ်စေနိုင်ပါတယ်။
- ကလေးငယ်အား စောင်များဖြင့် ထုတ်ပိုးထားခြင်းကို ရှောင်ရှားပါ။
- မိခင်နို့ရည်တိုက်ကျေွးပါ။
- အိပ်ပျော်နေစဉ်အတောအတွင်း ကလေးငယ်အား ချိုလိမ်ပေးထားပါ။
ကိုယ်၀န်ဆောင်နေစဉ်အတောအတွင်းနှင့် ကလေးနို့တိုက်စဉ် ဆေးလိပ်သောက်ခြင်း၊ အရက်သောက်ခြင်းနှင့် မူးယစ်ဆေးဝါးသုံးစွဲခြင်းကိုရှောင်ရှားပါ။ ကလေးငယ်ကိုစောင့်ရှောက်မည့်သူအား ကလေးငယ်နှင့်ပတ်သက်သော ဆောင်ရန်ရှောင်ရန်များကို ကြိုတင်ပြောပြထားပါ။
Dr. Htet Htet Aung (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...