သွေးဆုံးပြီးအမျိုးသမီးများ ဗီတာမင်ဒီ မှီဝဲပေးပါ
သွေးဆုံးပြီးအမျိုးသမီးတွေဟာ အီစထရိုဂျင် နည်းလာတာကြောင့် အရိုးတွေ မသန်မာတာမျိုး ဖြစ်နိုင်ပါတယ်။ ဒါကြောင့် သွေးဆုံးပြီးချိန်မှာ အရိုးကျန်းမာစေဖို့ အာဟာရဓာတ် လုံလုံလောက်လောက်ရရှိဖို့ လိုအပ်ပါတယ်။
Menopace 1
မရှိမဖြစ်လိုအပ်တာကတော့ ဗီတာမင်ဒီပါ။ ဗီတာမင်ဒီဟာ အရိုးမသန်မာတဲ့ဖြစ်စဥ်ကို နှေးပြီးနည်းစေတာကြောင့် အရိုးတွေကို သန်မာစေပြီး ကျန်းမာစေပါတယ်။ ဒါ့အပြင် စိတ်ခံစားချက်ကိုလည်း ကောင်းမွန်စေတာကြောင့် စိတ်ဓာတ်ကျခြင်း၊ စိုးရိမ်မှုလွန်ကဲခြင်းတွေမဖြစ်အောင် ကာကွယ်ပေးနိုင်ပါတယ်။ ဆီးချိုသွေးချိုရောဂါဖြစ်နိုင်ခြေကို လျော့နည်းစေတယ်လို့လည်း သုတေသနတွေအရ သိရပါတယ်။
Menopace 2
ဒါကြောင့် သွေးဆုံးပြီးအမျိုးသမီးတွေဟာ ဗီတာမင်ဒီ လုံလောက်စွာရရှိဖို့ အရေးကြီးပါတယ်။ လိုအပ်တဲ့ဗီတာမင်ဒီကို
● အဆီများတဲ့ငါးအမျိုးမျိုး၊ အသည်း၊ ကြက်ဥအနှစ်၊ ဗီတာမင်ဒီဖြည့်စွက်ထားတဲ့ အစားအသောက်တွေ စားသောက်ပေးခြင်းဖြင့်လည်းကောင်း
● အနည်းဆုံး တစ်ပတ်ကိုနှစ်ကြိမ်လောက် ၁၀-၃၀ မိနစ်ကြာအောင် နေရောင်ခံပေးခြင်းဖြင့်လည်းကောင်း
● ဗီတာမင်ဒီပါဝင်တဲ့ ဖြည့်စွက်အားဆေးတွေ သောက်သုံးပေးခြင်းဖြင့်လည်းကောင်း
ဖြည့်ဆည်းပေးနိုင်ပါတယ်။
Dr. Aye Hsu Mon (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...